يحدث في تونس اليوم : واحد منتن عندو عشرة أيّام الماء ما مسّش لحمو، مفترش كرظونة قدّام سفارة السعودية، و يستنّى في رحمة سفير باش يعطيه تأشيرة تجارة ذهب يتطاول على قامات عىلميّة القليل فيهم عندو باك+ 18 !!
يحدث في تونس اليوم، نساء و رجال محترمين، متعدين على رواحهم قدّام السفارة المذكورة،لا كلّموا حدّ و لا جاو على حال حد، يتسبّوا، و يكفّروهم علنا، على مرءى و مسمع من قوات الأمن!!
ها الرهوط الباركة في القاع، لحيهم تفجع و جلاببهم تكنس في القاع، زعمة يحبّوا يحجّوا !!
لا حجّت بيكم ناڨة ولاطاف بيكم جمل!!
مسلمين إنتم و البقية كفّار؟!!
ماشين تقابلو وجه ربّي و اطوفو و تزمزمو؟ تسبوا نساء و رجال قرّاوكم و يقرّيو لكم في ولادكم ؟ جباهذة متاع علم تسبّوا فيهم وإنتم بكلكم كي تتلموا ما تجيوش في ضفرهم؟
كيفاش يا أخي السلفي المتديّن تسمح لنفسك باش تهز عينك في مرا متعدية في الطريق العامّ، وتسبها و تخرج من فمك خندق و إنتي متعلٌق بأستار السفارة تحب تمشي تحجّ؟
وينو غضّ البصر؟
وينهم الليال العشر؟
وين مشا الوقار؟
"ديڨاج يا خمّاج ،يا كفّار"؟ و كلام آخر ما نجمّش نعاودو !! آشكون الخامج فينا زعمة؟ مرضى النفس إلّي مجردّ رؤية مرا تعملوا الحكاك و إلاّ نساء عدّات عمرها تفلي في الكتب، تقري و توري ، تنورّ في العقول وتبني في البلاد؟
زيد على هذا، جيناك لمحلك يا بابا؟ ولّى الشّارع ولّى متاعكم؟ قسّمتوا لبلاد لكافر و مسلم ؟ شققتم على قلوب النّاس وشفتوهم كفاّر ولّى مسلمين؟
أنتم ماشين تحجّوا؟!!! يا تجّار الدين يا مغتربين في فكر لاهو متاع بوكم و لا متاع جدّكم!!
واللّه كلمة تونسي حرام فيكم يا ولاد بن لادن و طالبان!!
و اللّه لا تسهللكم يا ....خمّاج!!
dommage que je ne comprenne pas, ta réaction m'aurait intéressée. Geneviève de jedecorematable
RépondreSupprimer